التعريف بقبيلة الفحص/أهازيج شعبية/ غناء 2/5/11

ما أقدمه في هذه الاضافة بخصوص غناء المنطقة هو عبارة عن أهازيج شعبية دونتها بيتا بيتا من شفاه نساء المنطقة وهن يرددنها في أكثر من مناسبة زمانا ومكانا ، أي وهن في حفلات الزواج أو العقيقة ، أو في طريقهن الى الغابة لجمع الحطب ، أو وهن الى جانب الرحى يطحن القمح أو الدرى أو الشعير أو الفول ...الخ واليكم المجوعة الباقة العطرة الأولى أرجو أن تروق أذواق جيل الهيبهوب وما شابه :
- الشاشييا الشاشييا * واقطيبها حلحالي ** اليوم راني معاكم * وغدا رايحا فحالي
-اخدم أيا الخدام * واوشيار بدك الفاس ** ما اقدرتيش على الفاس * عساك على بنت الناس
- ياالطالعين نزوروا * ف العقبا ن ارتاحوا ** عليت عيني ف الزين * لقيت اركابي طاحوا
- يا الطالعين ف العقبا * والشربيل ملوز ** اللي ما عاشر الزين * اشمن غلا كوز
- ياشطير الكرموس * ياشطير الكرموس ** مين كنتفكر حبيبي * كيطيح في النص
- يا دق الخاتم * أيا دق الخاتم ** الله يقوي حرمك * أيا سيدي قاسم
- ياخشيبت العرعار * واجلايلا د الدردار ** وامنادم اللي تولفو * لازم لو يغدر
- ركبت على بلادي * واجبرت الزرع مسنبل ** عمري ما يسحب لي * حتى الحبيب كيتبدل
- ما نشربشي القهوا * غيلا كانوا الكومير** ما كنحس بالغربا * حتى كيقلع طوموبيل
- أيا العواود والجامو * والجامو كيبرق ** وانسقصيك ياحبيبي * كالباطل كيحرق
- يالماشي مشيوه * والراجع سليوه ** اللي يضرب ف الحلال * لله لا تشقيوه
-ريح العشي ينفخ * خبل لي نسريا ** سيدي رسول الله * هو حجاب علي
- اللنكاصا اللنكاصا * طاح الزهر من راسا ** مجمعكم يالحباب * متل العسل ف الطاسا
- اللشينا اللشينا * عاليا وما لحقاشي ** بلادكم كتعجبني * والصواب ما فيهاشي
- يالوردا يالواردا * يالوردا الرحراحا ** نمشي معك ما قديت * نكلس ماني ف راحا
- أنا نقلك ايه * وانت تقول لي محال ** افنتني الله يفنيك * ابدك العيون الكوحال
- أنا نقول لك ايه * وانت تقول لي لواه ** طاح حبي على حبك * حتى طبيب ما داواه
- يا النسري يا النسري * يا النسري ف ابروجو** اعطيتك عهد الله * احبيبي ما انكوزو
- يا القيلا قيليا * وانا بلا شاشييا ** سيفطوها ن حبيبي * يجيبها لي ريفيا
- يا السالف الخمري * مضفور على تلاتا ** حقي فيك أحبيبي * واخا مع الوراتا
** يتبع **

برافو فكرتيني في هذه المعاني البريئة