التعريف بقبيلة الفحص / اهازيج شعبية / اضافة 5/5/11

يتبع/
-راني ف راس الكديا * كندور بالدنيا ** ما ضنيت حبيبي * يرميني هاد الرميا
- مول البنصيانا الحمرا * ماشي على لاصونا ** يا الله نسافرو بالليل * ف القيلا يشوفونا
- داك الطوير لخضر * على جرف العينين ** اللي جا يقول خليواه * وهو فناني بالزين
- يا حجيرات السكر * يا حجيرات السكر ** الى شفتوني انخمم * ف لحباب كنتفكر
- السقيا......* نسقي الحبق والنعناع ** أنا ف يد حبيبي * ويلى تباعني نتباع
- مول الجنان ياسيدي * دخلني نتسارا ** شي ما نعبه لك * نشوف بعيني وها
- فنيتيني الله يفنيك * فنيتيني بحروفك ** تمنيتك ف الحوما * فين ما نكوز نشوفك
- يا الله معايا يالله * يا الله معايا ن الدار ** نشري لك السكر * ونرشك بالمازهار
- يوم الربيع قالو جات * يوم الربيع نزاها ** الكولسا مع لحباب * شحايلي نترجاها
- مولاي عبسلام سيدي * التشتا ديالو حضاتو ** طلعو الطلبا يزورو * والقرايا عجباتو
- يا عويد الدليا * مسيب على عواد اتاي ** المشيا حماميتا * والزين متبوع اخاي
- مول القرنفل لحمر * جايب التواشي من فاس ** نعطي عليك ما ف يدي * وما نراكشي فيد الناس
- مصابك ياحبيبي * كا كنت لي بريا ** نقطع منك مرود * ونكحل عينيا