التعريف بقبيلة الفحص / اهزيج شعبية / غناء/ اضافة 3/5/11

الاخوة الكرام ، هذه الأهازيج تقدم اليكم كمادة خام ، وكمصدر يمكن الرجوع اليه لاستثماره في مناسبات مختلفة ، ولقد سبق أن أشرت أنني سجلتها من أفواههن مباشرة ، وبالمناسبة ومن هذا المنتدى أحييهن أينما كن يتقدمهن رحيمو . ص ، فاليكم الآن الباقة الثانية :
- الواد هواد هواد * حتى غطى ربيعو **حقي فيك العيلا * ما نرهنو ما انبيعو
- حس الطبل كيضرب * وركاب على عياشا **الحبيب مولاي عبسلام * والركاب ليلو ماشا
- لين ماشي ياهذاك * يا المحرف بالسكين ** دخلت عليك بالله * لتقولي فين انتين
-يا الخيلي ف الخندق * والشمس ليلو تشرق ** نسقصيك يا احبيبي * وما الضريف ليحمق
- يا المنديل ديالي * وبيدي خرمتو ** نتينا انعاس نعاسك * واديالي طير تو
-طير ياحمام واعلي * وانزل على بيت الله ** الله يقوي حرمك * أسيدي معطى الله
- شبرت ف العليقا * واسحب لي الغدانا ** تكذب يالكذابة ** والله ف بالك ما نا
- الزيتون د البري * المحني غمازو ** داك العيون الكوحال ** على من كينحازوا
- سيدي الطالب سيدي * كيقرا ويخيط ** غريب ف بلاد الناس * وعلى من يعيط
- مول الجليلبا الكحلى * والنخلا واتاتو ** شي زين ما تماشي * والنفخا قتلاتو
- بسيطا ليمانا * بسيطا ليمانا ** تكذب يا الكذابة * والله ف بالك ما نا
- يا اغريسنات أشمال * يا اغريسنات أشمال ** وقرانك العيلا * ما كيساويو ريال
- لين ماشي يا التالف * لين ماشي يا التالف ** السبط مطرف * واللحيا بسلالف
- الجير ف الطلاعا * الجير ف الطلاعا ** نوصيك العيلا * ما تكون شي طماعا
- النسريا النسريا * وامات الضل عليا ** العينين اللي يحبوني * ما يخفوشي عليا
- يا احبيبات الجلبان * يا احبيبات الجلبان ** راسي الغريب أيما * يا المسيب ف البلدان