التعريف بقبيلة الفحص / أهازيج شعبية 5

من طرف العتيق الأربعاء فبراير 05, 2014 8:00 pm

الصباح قرب يصبح ** والفجر بان اعلمو

واللي اسمو محمد ** زاد الله في ايامو

سيدي الطالب سيدي ** يالقاري من راسو

رافد الدوايا والقلم ** الله يصبار ناسو

أيا الدردار د الواد ** يالمحرف بالماضي

أحاي عليك ياراسي ** فين ما امشيت بالحضي

بالصاحا والراحا **باش تواتوا بعطتكم

نتمناكم فالحومة ** نتسخار عليكم

مصاب ليك ياللا ** كاكنت لي فنا

نلبسك لبس العز ** شلا ما نتمنى

طاح النى طاح الندى ** طاح الندى على الصفاح

الحبيب مولاي عبسلام ** والقمر ليلو يصباح

أزهار اللتشينا ** أزهار اللتشينا

دخلت عليك بالله ** قل لي فين انتينا

أحبيبات بيبلوز ** أحبيبت بيبلوز

البارح وانت ديالي ** واليوم تعنبش واتكوز

حبت حلاوا حلووا ** تقتها باسناني

ككان الزين يعيش ** كغرستو في اجناني

داك البحر د شقار ** شي مواج فيه تبركم

في حياة يما وابابا ** والله عليه ما نندم

يتبع / مع تحيات العتيق