التعريف بقبيلة الفحص / أهازيج شعبية 6

يالريح على الكديا ** يالريح على الكديا

علاش العدا كرهتني ؟** على عيشتي في الدنيا


المزهار في القطارا ** المزهار في القطارا

على قلبي نجي عندك ** لا جهد لا قادارا 


طوموبيلا الحمرا ** الممسوحا م الغبرا

الحبيبا للا بلادي ** شكون يعطيني خبرا 


مول الجليلبا الكحلا ** شي انخيلا على اكتافو

اللي انو تابع الزين ** الله يطلق اسرحو


يالراعي البكريا ** وارعاهم بالنيا

يابن الحريمي لاخور ** عينو على الخمريا


نصلي على محمد ** مادام في الحيلا

نتسارا بك ياراسي ** والموت ليلا ليلا 


نصلوا على محمد ** على البر والبحريا

سيدنا محمد ** أمتو عربيا


قيت الحنا فيدي ** وخرجت لي مرقوما

بيدي درتا نراسي ** ما ناشي مظلوما


يالقفطان ديالي ** وجلايلو د المكشوف

ما بياشي الربطا ** بغيت نجرب وانشوف


يالدار قدام الدار ** والدليا بيناتم

البنات كلوم زينات *-* والصغيرا للاتم


الزريعا الزريعا ** يالمنقيا باغبارو

القلب اللي مغير ** السيفا تعطي اخبارو


يالعساس د المارسى ** شخبار الخداما

واش اخبار السافرين ** أللا على السلاما


ياقشيرات البيطا ** ياقشيرات البيطا

ويلى قلت معلم ** رد علي بالغيطا


يالله نزوروا يالله ** وانزوروا الغيلاني

الحب كلو واحد  ** واديالك افناني


داك السطاح العالي ** يالمرشوش بالنيلا

اللي بغا يسطاب حبيبو ** يجيبو غير بالحيلا


يامول الطوموبيل ** اشمن مدينا رايح

ويلى شوفتوا  حبيبي ** قولوا لو الله يسامح


يالوردا ياللا ** فين مانكوز تفتح لي

عليت عيني فالزين ** ياربي تسمح لي 


يالوردا ياللا ** في برج النصراني

ما تبكي ما تخمم ** دابا ترجع واتراني


أياحرير السلهام ** أياحرير السلهام

فين ما نعيط تحضر ** أيا مولاي عبسلام 


 ( يتبع )

.مع تحيات العتيق