أمثال شعبية تتعلق بالفلاحة / اضافة 5/5/11

ما يتعلق بالفواكه والخضر :
- الى ضهار النيش والباكور ، ما يبقى حد يعرف آخور
- الى كان الحبق من يدنا زباق ، والى كان التفاح من يدنا فاح
- آش كيجي الفول ن البيصار
- آح على التفاح ، واش فيه ما يتلاح
- الى اشبعت كل الرمان ، والى جعت كل الرمان
- آش عند القرعا ما ترعى ، غير حويطات راسا
- ف حال بطيخ النبي
- ف حال طياب الشجار
- ف حال عنب التعالق :
عالي على اللي يلحقو * حامط على اللي يدوقو
اللي يطلع لو يتهرس * واللي داقو يتضرس
- فحال كرموس الطلبا ، هدي طايبا هدي خاضرا حتى ما تبقى حتى واحدا
- خفف البصل يروس
- ربيع الوقت يترعا
- فحال الرمانا المغمضا
- كرموسا خرفيا ، حسن من بولفافا مشويا
- اللي ما لحاقشي العنقود كيقول حامط
- العنقود الكبير م الداليا المخروما
- صحا وسلاما اباكور العام
- كدب اللوز ، وصدق المشماش ** كدب الشيب ، وصدق التكماش
- الى صبت الزردا على فم الجنان ، لا تزيد ن قاعو