أمثال شعبية تتعلق بالفلاحة / اضافة 5/5/11

- اللي بغا يربح ، يدبح مو / الأرض أي يحرث الأرض
- من غير الزرع والصوف ، كل شي هتوف
- ما بين السبولا والسبولا ، كيمومو اولاد الفحولا - وفي رواية : اولاد الغولا
- مطمور تطماع ف اسكيل
- ما يحرت أرض دادس ، غير تيران دادس
- لو كانت الحرت باللسان ، كحرت منهنا ن تلمسان
- ما احلى الفاس ، ف يد الناس
- اذا بغيتي تقرا غرب ، واذا بغيتي تحرت قرب
- جوج وغرب ، احرت وقرب
- البحيرا حيرا ، والجنان جنون ، والغنى زيتزن
- الى غلبوك بالحرت ، غلبوم بالنقا
- الى اعمل المنجل سرسر ، كيعمل الحليب فرفر
- ليماما ، جابت المنجل ف احزاما
- الى بلغت الطرق ن القصر ، ما يبقى حرات يمطر ، ولا طالب يسطر ، ولا راعي يصفر/ والمراد بالقصر اما الكبير او الصغير ، وأرجح أن يكون الأخير
- الى نور اللنكاص ، احلى النعاس
- الى جات الصابا ، كيكلها الجراد
- الى تعاندوا الحصادا ، من سعد مول الفدان
- الى جا بلارج ، ما ابقى ف الحرت ما يتعالج / رد بلارج/ اللقلاق : عالج الى فيك ما تعالج ، ما تسشميها ف عمك بلارج
-الىواجهك العدو شد لرض/ لتفكر في كيفية المواجهة، والى شدك الزمان ، شد لرض اي : اخدمها
-الى تناطحوا التيران ، اسخط الله على البرواق
- تلات كيهرسو منادم ، حرت الضعيف ، ومخالطة العدما ، ومشاورة الغشما
- العيب ما شي على اللي حرت ف السطاح ، العيب على اللي خمس عليه
- جدي بكري ولا خروف مازوزي
- حرتا ، أو ورتا ، أو سير حتى...
/ يتبع /