مأثورات شعبية/ الألغاز 4/ 23/5/11

- سالتك : على طبسيل نقي ، ما ياكل فيه لا طالب ولا فقي .
الحل : شهر رمضان .
- سالتك : على جوج د الحوالا ، كيدبزو ف النوالا .
الحل : أمشطان د الصوف .
- سالتك : على شطيبا مالسا ، فيه خمسا .
الحل : اليد .
- سالتك : على تلاتا د الدحادحا ، ومنانا د فاتحا ، والسي علي بن قجالو .
الحل :الأثافي والقدر والكسكاس .
- سالتك : على هادا ما يشوف ف هادا ، وهادا ما يقرب عند هادا.
الحل : الحيطان .
- سالتك : على كطيعا د الغلم فيه حولي واحد .
الحل : القمر والنجوم .
- سالتك : على نينو ف حفيرا .
الحل : النار.
- سالتك : على اللي معلق من وديناتو ، كيشوف بعويناتو .
الحل : الرواق .
- سالتك : على بوير مجير ، فيه الما والطوير .
الحل : البيضة
- سالتك : على اللي حزمت ورزمت ، وسيفطت بنتا وهي كلست .
الحل : البندقية / الكلاطا .
- سالتك : على كورا كورا ، معمر بالدكورا .
الحل : السجن / الحبس .
- سالتك : على اللي كتير بلا جنحين ، وكتنزل بلا رجلين .
الحل : الكرة .
- سالتك : على اللي مشى ن كديواتو ، وطوى ركيباتو .
الحل : الموس