نكت مغربية من الطراز العالي

محشش كايعاود آش طرالو : البارح كنت كنتسارا فوحد الجنان بانت ليا كرمة ديال زيتون فيها شي برقوق تبارك الله كل عنبة قد الليمونة وأنا نطلع باش ناخد منها تفاحة، خديت هاديك البنانة للدار درت بيها عصير ديال لاڤـوكا ملي شربتو ضراتني كرشي مشيت عند الطبيب قالي داك لفريز اللي كليتي هو السباب .. قلت ليه هي دابا نبعد ڭـاع من الرمان !؟! صافي من داك النهار حلفت ما نبقى ناكل السويهلة حيت أصلا الدلاح كايدير الإسهال و أنا ما عنديش معاه حيت فيه الشوك !!

واحد الطلاب مشى عند واحد مول فران مسموم قال ليه: خويا، سيمانة هادي ما دقت الخبز

قال ليه مول الفران المسموم: راه مداقو هو هو، ما تبدلش


مبوق شاف بلاكة مكتوب عليها: مزرعة أبقار

سول مول المزرعة: كيفاش كتزرعوا البقر؟

تفلى عليه السيد وقال ليه: كنرشوا السكر وكيخرج البقر.

ناض المبوق الغد ليه رش السكر.

رجع من بعد نهار لقى النمل مجموع على السكر.

وهو يقول: يا حليلي على البقر ملي كيكون صغير.