سَرْتِ تحْكَمْ وتْقاضي

سَرْتِ تحْكَمْ وتْقاضي
*****
ألْعَـبْ علَى هْـوَاكْ يااُلْغَـدَّارْ
يَاللِّي للخِيــرْاصبحت نَكّــارْ
مَاتْ ضَميرَكْ،فَالمَاضِي صَارْ
ومْعاه احْمَلـْـتِ ذَنبْ وأوْزَارْ
بعدماأذيتِ الجَّارْوخَنـتِ لَحْبَابْ
نَصَّبـْتِ رَاسَكْ علينَا قَاضِـي
وانْسيـتِ يُومْ كُنْتِ وَحْـدَانِـي
بظُلْمَكْ سَرْتِ تَحْكَمْ وتْقَاضِي
بجَهْلَك تْخَطِّيتِ اُلْعَدلْ الرَّبّاني
مازال الليام اتْجِيبــكْ للحْسـَابْ
اتْمَتَّـعْ،اضْحـَك كِيف ابْغِيـتِ
وخَلـِّي سَنَّكْ يَخبِّـي لَسْـرَار
يَمْكَنْ ينَسِّيكْ فَاللِّي بَكِّيــتِ
يَاللِّي لَلْخِيـرْ اصْبَــتِ نَكَّــار
خوفي من يُوم تشوفْ لَعْــذَابْ
اعمَاكْ الكُرهْ في ضَيْ النّْهَـار
الْبَسْتِ ثـُوبْ الظُّلـم كَشِعـَار
بسَمَّكْ اقْتَلْتِ زِيـنْ الازْهَـار
وبسْبَابَـكْ كدَات فتِيلَةْ النّــار
ومازل الليَّـامْ اتجيبكْ أَللَّحْسَابْ
عائشة رشدي أويس رشدي