َمَجَمَعْ لَحْبــَابْ

قالــوا:

مَجْمَعْ لَحْبَابْ من الله نعْمـَه

ومَنْ كبيرْهُمْ تَسْمَعْ الحَكْمـَه

ياويلي...

ياويلي إلا دْخَلْ وسطهم غَـذَّار

يسُودْ الكُـرهْ،وتَخْتَلَفْ الكَلْمَه

وبشرُّ ما بين ليلة ونهـــار

يَحْصَد اليَابَسْ وزيدْ لَخْضَـر

وبدخان رْمَادُ يَشْعَــل النـَّــار

وكل من كان مْخبي يَظهــر

تَقسى لَقْلْوب...

تقسى لقلوب ،وتعمى لَبْصَار

تهونْ العشــرة،واللغى يكثَـرْ

هكذا قالــوا:

مَجْمَعْ لَحْبَابْ من الله نِعْمَـه

ومَنْ كبيرْهُمْ تَسْمَعْ الحَكْمـَه

ياوِيلي إلا دْخَلْ وسطهم غَـذَّار

يكثَر القــالْ،وتخسر لخواطــر

تَنْقَصْ لمحبـه،وتْزِيدْ لَعْـدَاوى

تَكشفْ لَوجوه،وتتعرّى لمطامــرْ

الضِّيعْ اللَّمَّـه وما تبقى خـاوى

هكذاياناس عادْ مجمع لحبـاب

بعدما طغى سـمْ لعــدو

فرق العشرة،وتخطَّى الصّْـوابْ

اركب سفينة الشــرْ وحدو

وشعَلْ الفتنة،وشكـّلْ لحــزاب

*****

من ديوان - مَجْمَعْ لَحْباب-

للزجالة عائشة رشدي أويس

رد: َمَجَمَعْ لَحْبــَابْ