منتديات جبالة Montadayat Jbala
ياخوتي جاني رمضان...   =بقلمي= 613623
عزيزي الزائر / عزيزتي الزائرة يرجي التكرم بتسجبل الدخول اذا كنت عضوا معنا
او التسجيل ان لم تكن عضوا وترغب في الانضمام الي اسرة المنتدي
سنتشرف بتسجيلك
شكرا ياخوتي جاني رمضان...   =بقلمي= 829894
ادارة المنتدي ياخوتي جاني رمضان...   =بقلمي= 103798

انضم إلى المنتدى ، فالأمر سريع وسهل

منتديات جبالة Montadayat Jbala
ياخوتي جاني رمضان...   =بقلمي= 613623
عزيزي الزائر / عزيزتي الزائرة يرجي التكرم بتسجبل الدخول اذا كنت عضوا معنا
او التسجيل ان لم تكن عضوا وترغب في الانضمام الي اسرة المنتدي
سنتشرف بتسجيلك
شكرا ياخوتي جاني رمضان...   =بقلمي= 829894
ادارة المنتدي ياخوتي جاني رمضان...   =بقلمي= 103798
منتديات جبالة Montadayat Jbala
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

ياخوتي جاني رمضان... =بقلمي=

3 مشترك

اذهب الى الأسفل

ياخوتي جاني رمضان...   =بقلمي= Empty ياخوتي جاني رمضان... =بقلمي=

مُساهمة من طرف medcherif03 الإثنين يونيو 27, 2016 2:43 am

ياخوتي جاني رمضان***أومنو راني حيران
هم الشمة و الدخان***قولو لي كيفاش اندير

لازم لي نصبح راقد***مانصحى ما نكلم واحد
هذا هو الحل الواجد***ما عنديشي واش ندير

أنايا راجل متقلق***و اللي يخلط فيا نلسق
عندي الخاطر ضيق***واللي جا فالراس يصير

شوفولي أول نهار***تلقاني مرمضن عالجار
شد أوليداتك لصغار***دوخني الهراج اكثير

ياودي راك مرمضن***انعل الشيطان اتفطن
جاوبني جاري متيقن***فصيامي العاقل يحير

يعطوني أهلي القفة***للمرشي نمشي نتفافى
نمليها كامل ما تكفى***الغنمي و لحم البعير

من الكل نشري حاجة***ذا داند وذا دجاجة
والخضرة منها نتفاجى***لاتحدثني ع الديسير

 ياخوتي راني ملهوف***عالدوارة و بوزلوف
زيد الرايب والمسفوف***كينشوفهم عقلي يطير

نشهى كاللي تتوحم***كل حاجة ليها نتقدم
نستاهل أنا نتفيهم***ما ننهي ع التبذير

كي نلحق ليهم نشنف***خلوني نطلع نطرف
نلقى فطوري بالخف***وخلوني من اتمسخير

تبدا ذالمخلوقة تناول***و انايا عليها نطاول
انشم الريحة نساول***مع الكيكوطة و التصفير

تلقاني قيس المغرب***للمايدة نمسح وانقرب
فاولادي انكش ونضرب***ع الشمة طايح فالبير

نمرطها ونعود نضاور***المعدة وحروق الجاير
شوفولي كانش صراير***طبخولي منهم عصير

مانطيقش نولي نتكى***ما نقدر يعطيني هكة
نفتح من سروالي تكة***تولي كرشي بندير

جيبولي كانش قهوة***ماتكونش ياسر حلوة
انهاري كامل نتلوى***نشرب فنجالي و نسير

الناس تمشي للجامع***وانا للدومين انسارع
نقعد نتربع فالشارع***حتى الوقت التسحير

الناس اتصلي و اتقوم***كلها بوقتو ملزوم
و نايا باقي مهموم***في بالي مازلت صغير

و ابقينا فهاذ السيرة***مافقتش لعمار قصيرة
ياخوتي راني فحيرة***رمضاني فات اتمسخير

كيما حالي ناس اكثار***شياب وشبان اصغار
ضيعوا فرصة لعمار***عمري ما فيه التأخير

ياربي عن فعلي نادم***و هجري ألذنبي عازم
امفرط في جنبك هايم***طامع فالتوبة و الخير

راني في بابك سوال***في عز سيد لرسال
ثبتني عند السؤال***بحضور منكر و نكير

ربي تقبل دوعانا***في ليلة القدر معانا
نح الغبنة و الهانة***و فرج عن كل فقير

ربي فاجي ذ الغمة***زيدلهم احسان وهمة
اللهم انصر ذ الأمة***و افتحهم بيبان الخير

بقلمي medcherif03

قاموس الكلمات






نمرطها-نمليها فوق اللزوم
نضاور-نتألم
هكة-مصيبة
الهانة-المزيرية


medcherif03
عضو نشيط
عضو نشيط

الجنس : ذكر عدد المساهمات : 45
درجة التقدير : 0
تاريخ الميلاد : 30/09/1964
تاريخ التسجيل : 18/04/2016
العمر : 59

الرجوع الى أعلى الصفحة اذهب الى الأسفل

ياخوتي جاني رمضان...   =بقلمي= Empty رد: ياخوتي جاني رمضان... =بقلمي=

مُساهمة من طرف غريبي الثلاثاء يونيو 28, 2016 1:31 am

شكرا على هذه المساهمة الطريفة والمعبرة..أحسنت وصف حالة الذين لا يصومون وانما هم جوعى ليس الا، بارك الله فيك.

غريبي
عضو أساسي بالمنتدى
عضو أساسي بالمنتدى

الجنس : ذكر عدد المساهمات : 298
درجة التقدير : 1
تاريخ الميلاد : 02/05/1963
تاريخ التسجيل : 05/06/2012
العمر : 60

الرجوع الى أعلى الصفحة اذهب الى الأسفل

ياخوتي جاني رمضان...   =بقلمي= Empty رد: ياخوتي جاني رمضان... =بقلمي=

مُساهمة من طرف محمد المُدني الثلاثاء يونيو 28, 2016 4:41 pm

شكرا على هذه المساهمة المتميزة

♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠
           
             وكَمْ من حَسَراتٍ 
            فِي بُطونِ القُبورِ
محمد المُدني
محمد المُدني
عضو أساسي بالمنتدى
عضو أساسي بالمنتدى

الجنس : ذكر عدد المساهمات : 217
درجة التقدير : 0
تاريخ الميلاد : 24/06/1969
تاريخ التسجيل : 09/05/2016
العمر : 54
الموقع : تزران - كيسان

الرجوع الى أعلى الصفحة اذهب الى الأسفل

الرجوع الى أعلى الصفحة

- مواضيع مماثلة

 
صلاحيات هذا المنتدى:
لاتستطيع الرد على المواضيع في هذا المنتدى