قصيدة الحراز :نظم مولاي علي البغدادي

مال الحراز الدامي ما يتيق بي هيهات
غير حاضي الاوقات
في ثيابو مسلم وافعايلو رومية
مال الحراز قضيب البال
ما يجاور عمرو جيران
عاس على القتلة مشمور
جامع اطرافو ما يندى
و إلا انظرت بحالو جلدة
وقت ما نجيه نصيبو عبوس
ألطيف ألطيف, واش نعمل واش المعمول
باش ناخد هاد المكروه
في غراض اللي نهواها
أش من حيلات يسرقوه
باش نظفر ببهاها شكيت
لاصحاب الحال والاهوال
عشقو مدلالة من تسال
دوب جسمي و انا نحيل
ما نقوى لاصحاب اللطام
و الهجرة ترجع بالسقام
و بعدها
يا ناس المحبة قلت أراسي
ما يلي إلا نتحزم عن عقارو
هادا خشبة من الخشب ما تچديها نار
رادي من عليم سود الشفار
وأنا عاشق صبار
طال تعبي و عييت نساعف الرديل البهات
و إلا رطاب بحيلات
عييت ما نتدمم محال يا من فيه
جيت لو في صفة باشا
من قنوت العظمات
بالعلوم ورايات
و الطبول تنتچر و الخيل و الرجلية
محلتي مشهورة خلفي بحزمة
بالساﭼات
جات المشهورة جات
و البياتة وجبت
ضاقت العشوية
حين قبلت عليه و شافني قصدت لمبات
قام هز الخطوات
ما بغى يلقاني ولا ليه حاجة بي
سار هارب لرسامو سار بالعزم لا تلفات
ينتفز بالخلفات
كل قامة أسيدي فعبارها متنية
مال الحراز الدامي ما يتيق بي هيهات
غير حاضي الاوقات
في ثيابو مسلم وافعايلو رومية
قلت لاصحابي سيرو ليه
بالعزم دغية دورو بيه
وتقوه و جيبوه حتى يكون قدامي أمامي نزنچو
و نفرجكم فالمقيت
ادا جابوه و يوجبوه
قلتهم زيدو بيه بعد سليت السيف باش ندميه
نطق بموجب الشرع
قال أنا بالله و النبي
تعمل لي حق يا الباشا
ما أنا إلا نايبة
والسلطان الله ينصرو
و يدوم علينل سلامتو
و يعز الباشات و الخلايف
وقياد الحكام
شياخ قبايلنا
رعاية الملك العز الهمام
بهم يفخر منهم حالنا مسكين
و ﭽلين حامد الله على الهنا
في هبة الملك تعيش العباد
احنا طاعة لله
قلت لو لاش عليك أخايب الطبيعة
تهرب أصاحب الخديعة من ضيف الله
يا الباخس ياك أنا ليك جيت
قاصد ناخد مالك مع رقبتك
وجبت برات سيدنا مطبوعة
المير كلمتو مسموعة
والله ما يفيدك مني حتى هروب
قال أصاحب الأمير لا تكتر هضرة
هدا كلام مرجوع عليك
راك بالخزاين واصحاب عند كلمتك
العساسة حارسين
ادريو الغلات كاملين *2
أما داري حرام تدخلها لو نمشي فسبيب البغلات
لا تقوي لومات
لا تخوفني لا تقلي الحوت علي
ياك للدين وضيف الله الجوامع تبنات
فالمدن وقريات
هكدا سيرتنا احنا اهل البادية
ضيفنا ما يدخل للدار ما تقيسو عترات
فين ولاه يبات
فالربيع مع الصيف و ساعة الخرفية
والمسايد فايام البرد كاينة والغرفات
خود صحة الانعات
كان ردتي الحقيقة كون تصغى لي
عساك أالباشا قوم شلى عدات
كلمة المير كفات
لاش تطمع فالدار اللي محصنة محضية

من طرف ربيعة الأربعاء ديسمبر 15, 2010 3:09 pm

قصيدة الحراز (تابع)

*****
القسم الثاني

مال الحراز الدامي ما يتيق بي هيهات
غير حاضي الاوقات
في ثيابو مسلم وافعايلو رومية

(جيت لو في صفة الغلام
نخدمو طاعة دون كلام) *2
قلت أسيدي أنا وصيف
المحرر حررني اللي شراني
ودعني فسبيل ربي
قصدتك لاكرام قلبي
ونويت الخير فيك
جابتني الايام ليك
وانا مرزاق
وأسمي مبارك
واللي مبروك تخدمو الاحرار مع العبيد
انت ودك ربي من متاعو واعطاك المال
لا تكني ما عندك
مني دام لو
حيت انت راجل الوحيد
وانا نتسخر ليك فالمسايل البعاد مع القريب
عسى تعمل لي شي نصيب *2
الكسوة والصباط
الايجارة يسمح فيها عبد الجواد
إلا قبلو عليه إحوزوه و يكرموه ما يدوزوه
وهو ما يدوز سيدو
و الدنيا سايرة والايام تفوت
خود ليك راحة واغنم وقت السرور
وانا نتسخرليك شين تامرني
وخفيف العضام مسروق على الرمشة
كل ما تمرني ضني نفعلو
هدا حق الوصيف
الطاعة لسيادو
قال لي سير فحالك
لا تطوف بي لا تقربني
ما نخالط الكحل و ما نعاشرو
طول زماني ما كسبت الكحل
ما خالطتو ما حملتو ما عاشرتو ما قبلتو
ما عندي خير فيه
غير إلى كان خلوق فمكاني و زيادة فالمراح
وانا ظاهر لي فيك جيتي تختلني
تغدرني فشي مسالة بعّد مني و سير
كفّي لا تمشي دون غرض
يا بو دعوات
يا قبيح الخزرات
كل من كسبك عندو فيك غير السيئة
قلت لو خاف الله لا تكون
تجهل الاشيات
الاخلايق صفات
كل خلق اسرارو في ادواخلو مكنية
قال لي سير فحالك
لا تكون تحضي الغرات
من خيار البيتات
ما نكسبك و لو نسكن فأرض خلية
عسّاك أنا بقبيلتي و ناسي عزوات
رادّين الكسرات
ما وقفت عليك لسخرة و لا لحمِيَّة...

من طرف ربيعة الأربعاء ديسمبر 15, 2010 3:35 pm

قصيدة الحراز (تابع)

القسم الثالث

*****

جيت له في صفـة الغـلام * نخدمـه طاعـة دون كـلام * قلت له اسيدي و انا وصيف و محرر * حررني اللي شراني * و دعني في سبيل ربي و قصـدتـك لك رام قلـبـي و نويت الخير فيك * وجابتني الايام ليك و انا مرزاق و اسمي مبارك * و اللي مبروك كتخدمه لحرار مع العبيد * و انت ودك ربي من نتاعه و اعطاك المال * لا تكني ما عندك مني يقابلة لحيـن انـت رجـل وحيـد * و انـا نقـدف بيـك فـي المسايـل و تسخرني لكل حاجة في البعيد مع القريب * عسى تعمل لي شي نصيب * في الكسـوة و السـبـاط و الاجـارة * يسمـح فيهـا عبـد الجـواد أيـلا قبلـوا عليـه * يبغيوه و يكرموه ما يدوزوه * و هو ما يدوز سيده و الدنيا سايرة و الايام تفوت * و خود ليك راحة و اغنم وقت السرور و انا نتسخر ليك * شاين تامرني به خفيف العظام مسروخ على الرمشة * كل ما تامرني بها ظني نفعله هذا حق الوصيف * الطاعة لسياده * و قال لي سير فحالك لا تطوف بيا لا تقربني * ما نخالط لكحل و لا انعاشره * طول زماني ما كسبت لكحل * ما خالطته ما حملته ما عاشرته ما قبلته ما عندي فيه خير * غير الا كان خلوق من متاعي و زيادة في المراح * انا ظاهر لي فيك جيت تختلني تغدرني في شي مسالة بعد مني * و قال قفي لا تمشي دون غرض يا بو دعوات * يا قبيح الخزرات * كل من كسبك عنده فيك غير السية * قلت له خاف من الله لا تكون تجهل لشيات و الخلايق صفات * كل خلق سراره في دواخله مكمية * قال لي سير في حالك لا تكون تحضي الغرات * من خيار البتات ردت تشتمني ما تقضي معايا مزية * لا تخاطبني بالمحال * كل من داعي فات من امثالك هفات * ما نكسبك و لو نسكن ارض خلية * عساك انايا بقبيلتي * و ناس العزوات الرادين القسرات ما احتاجت عليك لسخرة و لا لحمية.

مال حراز غزالي ما يتيق بي هيهات * غير حاضي الاوقات * في ثيابه مسلم و فعايله رومية

من طرف ربيعة الأربعاء ديسمبر 15, 2010 3:42 pm

قصيدة الحراز (تتمة)

*****
القسم الرابع

جيت له تمثيل خواجة * قلت منه نقضي حاجة * بالطمع نغريه و نوريه كل ما عندي من حيـجـان * و الدبـاج علـى كـل الـوان * و الثيـاب رفيعـة تصـان * رافد حمولي و اصحابي نادهين خلفي * مهما قبلت عليه لفم داره صبته يا من تسال جالس عاقد عبسة تدوب جبال الهند * عليه صفة الغول من شافه تايبات يحلم به * في غسق الدجى مهول * كلمته بالسلام ما واجبني و بقيت فيه فاهي * ناداني من بعيد * كلمني بالنهضة و قال لي اشن هي سبتك واش رماك حتى لفم داري * قلت له يا راجح العقل تعرف حال اللي غريب براني و متاعه كثير بايع شاري في سواق الاسلام و العباد * لكن ما تفرط فيا و انايا ليك جيت قاصد و انت تربح اجري * يا رابح غرضي نبات عندك و ديالي ما نزلوه الا في الامان * باش يدفا قلبي لاني سمعت خبرك * قالوا لي صاحب الفجر و الضيف تكرمه و كل من جا لك قاصد ما تخيبه ديان و امين بين الجواد * نطق هو و قال لي ما نشمات لو تجيب الميات * لا تطمعني ما نقرا في احد نـيـة مـا نـزل لك امانـة و لا نقـوي شـوهـات * يـاك الجـواد دوات و الخلطـة تـردل و طريقها زغبية * ما نخالط تجار و لا سلوع عمري هيهات شافت العين و رات * جاد عني و عطاني زين كل عطية شاين عندي * ما تخلصه لي بتقات من اموال الخزنات * به قلبي فرحان و حاجتي مقضية * و الطمع ما يغويني طول ما نعيش في الحياة * كيف قالوا سدات كل من هو طماع بصيرته معمية.

مال حراز غزالي ما يتيق بي هيهات * غير حاضي الاوقات * في ثيابه مسلم و فعايله رومية

القسم الخامس

جيت له في صفة بهلول * قالوا راه مجدوب و مخلول * بان لي سر الله و ريت بالنظر و بين كشف الاسرار * و جميع اللي جا لعندي بشي ضمير فقلبه نكشف عن اسراره و نحكي له عليه * و الناس تقول أ خاي فقير * هذا و يزوروه من بعيد و انا جدبان الحال * كلها يكرمني بمقدار نيته حتى جيت لحوز سا حتو * صابتو يا ناس لغرام مشمور معول للطام محزم * لا ميران ما عملت انايا في خبار مهما قبلت عليه فالضمير * ضربته في الحين شاف فيا و خزر فيا و قال ليا غروك و تسروك * بعد الغشام و الله كان زدت لداري حتى نقسمك يا هذا * و الا نشاهدك في شباري تم تشوف خرق العادة * انا ما كسبت دراري عندي روامق شرادة * هي شمعتي في ناري هي منارة الوقادة * هي الساكنة في سياري و انا على سبيل العادة * ما كنزور و لا نوزار و لا نتيق بالكهانة * و لا نسكن معي جار و لا ندخل الاقران و لا نسافر مع خطار* و لا نغيبشي حتى انا و نغير من الطير الا طار * و يلا مومت سوانة يتروعوا سواكن لسيار و تعود حالتي غيظانة * هذه سنين شلا تذكار و انا مقابل المزيانة * هي دخيرتي هي كنزي غيراية لمنا ما نحمل شي مني يطوف بالساحة * سير عليك البوهالي * يا ودي و الله كان ما شتك فهذا الحال ضعيف فاني منسوب لباب ربي * انا ضنيتك غير كلت لحم النسناس * و لا تدور من تخدع في العباد * سير فحالك و الله ما تغشمني و انا يا قديم ما نامن * و جلاني و مشيت كنلوح الدمعـات فـوق خـد الوجـنـات * فـي غراد اللي نهواها ضيا عينيا * ما ريت اوعدي و مشيت كنكايد غمرات * زاد قلبي ليعات لهوى و الغيوان حروبهم منشية * قلت يا راسي كيف ندير يا كثير النهرات * اش ليك من صولات * يا اللي نار الزين في دواخلك مقدية * مال هـذا الحراز جفا و لا ارطاب بحيلات * ما تدخلو خلات ما يتيق بوالي حتما * و لا بوليه كل ما راودته هذا شحال كم من ساعات * ساعتي ما وافات باش يظفر قلبي بالباهية الحسبية *

مال حراز غزالي ما يتيق بي هيهات * غير حاضي الاوقات * في ثيابه مسلم و فعايله رومية

القسم السادس

جـيـتـه في صفة الفقيه صاحب الحديث و التنبيه * حافظ العشري و سيدي خليل نقراه سوار و نعرفه بشراحه و تفسير و الرسالة ندريها كيف جات * و الخرشي كنحصيه حـرف و معاني لانـي صاحـب الشطارة * علم التنجيم تانحقو بجداول راسخين و الا ضنـيـت اخبـار كل ساعة بهزايم قاطعين * الضمياطي ربعين بيت و جداولها و كذلك دعوة البسمالة و مشاكل الزناتي و قرعة الانبياء الهياكل بسبعة و زيد حصن الحصين و دعـوة السباسـب و ابـن الحـاج الكبير و ابن عطاء الله و الكلاعي و المواق الشهير و الخزاعي و معاه حجاب الامام علي علم الرموز و نخدم سبع ارياح * كل ريح على يتقـان الحـروف عنـي محمول في الحساب مرصود عن جمع الابواب * علم الكاكيم و نطلع الكنوز اللي مرصودة و الذي معقود بسحر التقاف مهما تحضرني ساعة الاجابـة و يفـتـح ربـي عليه وقت نسبب ليه * تايصيب غرضه و علم القضيا تانحقه و نفاصل بين زوج * من فضل الله مواهب السجية * هذا صح الاخبار * و زادي ديوان الاحبار * صغ الفن و صغ الاشعار و تامل كيف يسير بين الفقيه مع الحراز * يوم جيته بعزايم و البخور * ما فادوني معه فجور * صبته جالس وحده هميم * ينيش فـي الارض و كلمتـه مهما راني ناض يخضع و يصيح * قال لي يا الفقيه انت حكيم و لا لي والي و لا فيك سر الله مبين ما قريت في احد النية راك غير انتيا وقت شتك نشـرح خاطـري و جـوارح ذاتـي معـك * نبغيـك تحدثني بشاين ودك ربي و تفيدني و تاخد حسنات * و الكرايم نادات * ساعة الخير مع التيسير هذي هي * قلت له يا هذا غرضي نفرجك بالقصات * من فنون الدهات * كل ما سلت عليه تصيب دون خفية * قـال لـي يـا الفقيـه عندي غزيلة من البنات * الصايلة على الخودات * بالبها و الزين المكمول و اللزمية * زوجتي ما هي بنتي من خيار الزوجات * يا الطالب عزات * بعد كانت طاعة ولات كرهت فيا * تاهت علي تيه كبير يا الطالب و جفات * عانسي بو وشمات * ليس تقبل في الروح مسامحة و لا تقبل دية * كان طوعتيها يا فقيه زين النغمات * من سرور الحكمات * كل ما تشرط في رضاها يهون علي *

مال حراز غزالي ما يتيق بي هيهات * غير حاضي الاوقات * في ثيابه مسلم و فعايله رومية

القسم السابع

بالعزم سيفطته للدار قلت له سير بغير شوار * فرش مكانك و اعمل مونة الفقيه ظريفة و خد ما يخصك و عمل سبع من الحجابات على قد الفراش * لا تستهزى و انا مناين لاقاني بيك الله كل من كان عليك صعيب راه يهوان * لكن لا تسخى من متاعك و تسخر بالقدام الى بهجة فاس * و جيب تقنطست و عود القماري و المسك و جيب دار فلفل * هذا ما خص في بخور الجدول * قلت له اسيدي تمشي سريع * قال لي لكن تمشي معايا لقلب غرفتي و نحكي لك ما في نيتي * ياك تفاجي غمتي * سرت مـعـه نصيـب كـان هـذا الحـراز عايش عيشـة نحكيـهـا للحضـر * فـي قبـة بلحـوف و الزرابي و التسارح و القطوف * سار ما غداه الود عجلاه * سيفطته محزوم بالبطر هو صـد و الـريـم جايـة تـدهكـل في ثياب كامرة و قفاطن المشجر * و اللملم و القماش و الفاشيش من فضة او تازرا * او النواش على الكتاف * فرحة بحبيب القلب جا لعندنا * و غنمنا ما كتاب و النظرة في وجوه الاحباب ما خالطنا نقصان * هكذا من يعشق في ذا الهوى يكون * غرامه و الزين ما عليه الصبرا و اهل الغرام ما يلاموا * و الجود في ديار الكبرا و اللايم فاش جا حال ملامه * و العاشق و بن العدرة * و اسمي شهير حرف في زمامه سبعين سابقة يا حضرة و تلاتين تم اختامه * و الجاحدين ما هموا قوم النفاق و اهل الغتبات * ليس ليهم شنعات * كل داعي يدخل لجواه في المشلية * أ الراوي هاك بديع النظام و حسن الابيات * من فصيح المعنات * صل به و غني و اعن بكل سجية * لا تبالي بالقوم الباغضين اعظم الجفات * فاش جاوا العقات * لا تكني طع الاشياخ خد وصية * و الوصاية ما قتلت ما حيات و الايام زهات * بالهنا و الصولات * لا تاخد خوف من الخلق راه بلية * كن يا حفاظي اديب في محال الفرجات * ما عليك في المقات * كل من فيه الكبر منارته مطفية .

مال حراز غزالي ما يتيق بي هيهات * غير حاضي الاوقات * في ثيابه مسلم و فعايله رومية

القسم الثامن والأخير

خذ هذا القصة تدكار بين الجواد في كل اقطار* قصة الحراز دكرنا والدي يصغاوا المعنى و الدي جهلنا ما عدرنا * و الدي مقيوس بعشق الملاح منظوم السوسي في قباح * زهوة لاصحاب الحال هكذا يتزهاوا اهل النظام * و يهيموا في طريق الكلام ملسوعين بحب الريام * و على باب التسليم و العفو نسعاوه * من عند ربنا ليس يحافينا بما فعلنا * و احنا الا خطينا أش علينا * فاش جينا * الجيد الموجود شامخ الفضايل * يحكم الحق بالعدل مهما نتشب بالكريم ربي * يشفع فينا دخيل شافع الامات * صاحب المعجزات * يالله اكرمنا و السابقة مقضية * لا تفرط فينا يا ذا الجلـيـل سامـع الاصـوات * يـا رفيع الدرجات * يا الاله السامع يا كامل الرجوية * و سـلام نهـيـبـه للمـاهـريـن جـمـع القرات * حافظين السلكات * ما طلع نجم الصبح و راحت الذهبية *

مال حراز غزالي ما يتيق بي هيهات * غير حاضي الاوقات * في ثيابه مسلم و فعايله رومية

من طرف ربيعة الأربعاء ديسمبر 15, 2010 4:38 pm

قصيدة الحراز
نظم:مولاي علي البغدادي
إنشاد:الحاج الحسين التولالي

montdajbala Harraz...

من طرف ربيعة الخميس ديسمبر 16, 2010 4:12 pm

ذكر الاستاذ محمد الفاسي في معلمة الملحون ان
هناك 32 شاعرا كتبوا في الحراز ، و قد
احصى 42 قصيدة في هذا الغرض.
******
وهاهي ذي قصيدة أخرى للحراز
من نظم:الشيخ المكي بن الحاج القرني

قصيدة الحراز :نظم مولاي علي البغدادي Aouc1

قصيدة الحراز :نظم مولاي علي البغدادي Aouc1

قصيدة الحراز :نظم مولاي علي البغدادي Aoucha2

قصيدة الحراز :نظم مولاي علي البغدادي Aoucha3

قصيدة الحراز :نظم مولاي علي البغدادي Aoucha4

قصيدة الحراز :نظم مولاي علي البغدادي Aoucha5

قصيدة الحراز :نظم مولاي علي البغدادي Aoucha6

قصيدة الحراز :نظم مولاي علي البغدادي

قصيدة الحراز :نظم مولاي علي البغدادي

رد: قصيدة الحراز :نظم مولاي علي البغدادي

رد: قصيدة الحراز :نظم مولاي علي البغدادي

رد: قصيدة الحراز :نظم مولاي علي البغدادي

رد: قصيدة الحراز :نظم مولاي علي البغدادي

رد: قصيدة الحراز :نظم مولاي علي البغدادي