شكون قتل عمر المختار ؟

من طرف nadia lharrak الثلاثاء أكتوبر 01, 2013 7:56 pm

هذا واحد المدير سمع أستاذ كايبكي فالقسم و كايغوت ...

جا المدير كايجري قال للأستاذ علاش راك تبكي و تغويت ؟
جاوبو الأستاذ : هاذ التلاميد هبلوني ، ما لقيت معاهم تا شي حل عييت و مليت منهم ، هانتا إلى ماتيقتنيش سولهم "من قتل عمر المختار؟"
المدير سول التلميذ الأول : شكون قتل عمر المختار ؟
جاوب التلميذ : والله ما أنا آ أستاذ
عيط على التلميذ الثاني : سولو نفس السؤال !
جاوب التلميذ : أنا أصلا كنت ناعس ، و منين فقت خرجت نلعب كورة
عيط للتلميذة الثالثة : نفس السؤال ..
قالتلو : أنا كنت فالحمام مع ماما
الرابع : قالو أنا ماكانعرفش هاد خونا كاع !
و هو يقول الأستاذ للمدير شفتي دابا و تيقتيني بأنه قسم عيان !!
و هو يقولو المدير : دابا بلا ماتعصب و برد واش متأكد لي قتل عمر المختار كايقرا فهاذ القسم ؟