نكت مغربية

من طرف درميكي الإثنين سبتمبر 09, 2013 10:46 am

النكتة 1

قالوا : الله يرحم الواليدين خلينا نمشيو
....
قال : كل واحد نسألو سؤال واللي يجاوب نخليه يمشي
شد الاول قالو : شكون ربح الماتش لي فات الريال ولا البارصا
قال : الريال قالو : صافي سير
شد الثاني قالو : في معركة بدر شكون انتصر الكفار و لا المسلمين
قال: المسلمين قالو : صافي سير
شد الثالث قالو : شنو استنتجت من السؤالين
قالو المحشش : الريال والمسلمين فالفينال

النكتة 3

دابا منين البيضة ولات ساوية 1,5 درهم...
حاجة من جوج ..
..
..
..
يا اما الديك متخرج من école privéé
يا إما الدجاجة ولدات فكلينيك privée

النكتة 4

ثلاثة ديال الكسالى مشاو يدوزو امتحان. ملي سالاو، كل واحد سول لاخور آشنو دار

الاول قال ليهوم: أنا خليت الورقة خاوية

التاني قال ليهم: حتى أنا خليتها خاوية

الثالث قال ليهم: صافي مشينا فيها، ملي كلنا دايرين بحال بحال غادي يعرفونا تناقلنا. عولو على السقوط

النكتة 5

قالك أسيدي أوباما بغا يصبغ البيت الأبيض..دار المشروع للمناقصة
تقدمو بالطلبات 3 دالمقاولين الأول شينوي وطالب 3 مليون دولار والثاني ألماني طالب 7 مليون دولار والثالث مغربي طالب10 مليون دولار ..
الشينوي قال : 1مليون سلعة ومليون للخدامة ومليون أرباح باركا عليا
الألماني قال : 3 مليون السلعة عندنا لامارك 2 مليون الخدامة بروفيسيونيل و2 مليون أرباح
المغربي وكا على أوباما وقاليه: 3 ديالك ...و4 ديالي
و نعيطو للشينوا يصبغو والديه