منتديات جبالة Montadayat Jbala
حرفي ونياب الوقت 613623
عزيزي الزائر / عزيزتي الزائرة يرجي التكرم بتسجبل الدخول اذا كنت عضوا معنا
او التسجيل ان لم تكن عضوا وترغب في الانضمام الي اسرة المنتدي
سنتشرف بتسجيلك
شكرا حرفي ونياب الوقت 829894
ادارة المنتدي حرفي ونياب الوقت 103798

انضم إلى المنتدى ، فالأمر سريع وسهل

منتديات جبالة Montadayat Jbala
حرفي ونياب الوقت 613623
عزيزي الزائر / عزيزتي الزائرة يرجي التكرم بتسجبل الدخول اذا كنت عضوا معنا
او التسجيل ان لم تكن عضوا وترغب في الانضمام الي اسرة المنتدي
سنتشرف بتسجيلك
شكرا حرفي ونياب الوقت 829894
ادارة المنتدي حرفي ونياب الوقت 103798
منتديات جبالة Montadayat Jbala
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

حرفي ونياب الوقت

اذهب الى الأسفل

حرفي ونياب الوقت Empty حرفي ونياب الوقت

مُساهمة من طرف المفضل الياموني الإثنين فبراير 28, 2011 8:09 pm

حرفي..وانياب الوقت

فتحت عيني ف الزمان
لقيتو مشمَّر عل ذراعو
فرغ لمحان
وحرك شراعو
تبكمت العين
وخرج اللسان
والحلم مشى ف تباعو
الدلال جمع وطوى قلاعو
***
بكري……
شراوا اللي شراوا
باعوا اللي باعوا
حنززت ف ليام
ورّاتني النيب الطرفاني
قلت لها ف الكتب تلقاني
دم سايل
هم حايل
عراق هارق
كل حرف لاسق ف سارق


***
شديت لقلام سلاح
والحروف رماح
سرَّجت خيالي
شرعت باب دماغي
وهجرت للثلث الخالي


***
لقاني كلب نباح
قلت له ما مسالي
ف كديةْ عقلي كلست نرتاح
ونزلت اثقالي


***
رعفت

سالت حروف
فاض بحر ف خيالي
ركبت عليه
وسرت نهتهت ك البوهالي


***
ف عيني تقلب البيض
ع الكحل
دماغي ف انياب الوقت وحل


***
خرَّج انيابو
كتب كتابو
خويت عليه ما جوفي
قال كلمَه
حكى حلمَه
ف الظلمَه

عينها من حر البرد
زرقا
دمجت ف لساني
فرغتها ف طبسيل
الورقَه ذات معلقَه
ف عود ليام راشي
روح مشنوقَه
كسدَه مخنوقَه
مكفنَه .. مخيطَه بالتواشي
الدم فيها مطعون
لحمر ما بقا شي
ريحة الشحمَه..ف ليام


***
نزلت عيني
لقيت من لهموم عرارم
عليتها سبع زكارم
رغبت حرفي
ملي عرفتو عارف وقارم
***
زاد وا اوجاعي
ملي دخلت لسوق لكلام

الفهامات مطلوقَه بلا لجام
فين ما مشيت يا راسي تلقى ظالم
***
زكيت

تقطع حرف
سمعت غواتو ف القلب
قال:
العقل تسلب
الزمان غلب
القنديل تقلب
بقيت ف ظلمَه
مكحَّل بالعمى
سلاس….
مد يدك يتقطع
لا وذن تسمع
لا قلب وجع
لا عين تقشع
ما لقيت حد قدامي
وكيت على حيط خيالي
هزيت تخمامي
حفرت قشتي
النية عنايتي
حسيت ب وجع ف دواخلي
سالت حروف من جبهتي
على وجهي تلمع
نطق فالي
ب كلام بلا قفالي
باركَ من الصدع
***
الارض حشمانَه
كانت على سبَّه
عطاتها للسكات
برق ما تقشع
السما حاجبَه
اللي مات مات
اللي فات فات
اللي عاش لسانو تبلع
***
ملي شفت ماشي ذ الله الله
رغبت حرفي
يشوف من ظرفي
***
يوزني ويغنيني
مرة مرة يواسيني
يكتبني ويهجيني
يغطيني ويعريني

***
قبالة احبابي
قبالة عدياني
قبالة صحابي
بغيتهم يغرسوا ف الوقت
حروفي ... انيابي
كما غرس ديالو في
قبل ما نذوب ف ترابي
وتبقى(...؟) منسيَّه…

المفضل الياموني طنجة 2010/12/29



ا

المفضل الياموني
عضو جديد
عضو جديد

عدد المساهمات : 13
درجة التقدير : 0
تاريخ الميلاد : 01/01/1975
تاريخ التسجيل : 04/01/2011
العمر : 49

الرجوع الى أعلى الصفحة اذهب الى الأسفل

الرجوع الى أعلى الصفحة

- مواضيع مماثلة

 
صلاحيات هذا المنتدى:
لاتستطيع الرد على المواضيع في هذا المنتدى