سلتـك بـالله... -بقلمي-

سلتـك بـالله يا حبيبـة هَـا حنـي 
قلبـك صمّي واه عني قسّيتيـه
ما نرقدش الليـل قلبـي طيّبنـي 
يوم ان شفاك يا وخيذي دمّرتيه
خـافي ربي فـي قلـيبي عـذّبنـي
ما طاقش يصبر عنك محّـنتيـه
بعد ان كنت مليح عايش متهني 
خلـخلتـي عقـلي وفكري شتتيـه
يـا ولـفي وعـلاه خـيبتي ضنـي 
آدّيـتي قلـبي وضُـركة بهدلتيــه
أنت حلـمي حاطك وسط جفانـي 
نبني لك في قصر حبي هدّيتيـه
آملكـني عقـار عُشقـك دهّـشنــي 
و عليـا عنتيـر حُبـك حرّشتـيــه
ما ضنيت جفاك قاسي يا غبنـي
ولّي ليه حبيب ما يسمحشي فيه
يـا طفـلة وعـلاه؟ واش تـساليني
سـمطتي عـني عـيشي فـسدتّيــه
خـافي ربـي ذا غـرامـك بـهدلنـي
و لّـي حَبك واش ذنبو سيف عليه
كـل حـبيب مـع حـبيبـو مـتهنـي
و آنايـا حبي لْضُـركة آنحلّل فيـه
ما شكـيت نـهون نـبقى مـستنــي
يـا ودادة طـال صـبري رشّـيتـيـه
شـفيتـي فيـا لـقصـى و الــدّونــي
و ضحّكتي لـعدو عـني نـزهتيــه
آتـحملت حديـث قـاطع زلـزلنـــي
و آشراب المُرّار عن جالك نحسيه
يـا عـيـايـا ريـق فـمـك يـبـريـنــي
يـشفي من لعطاب و قليبي يحييـه
آنـتبّـع في ريـم شـارد عـاصـينـي
مـسّحـذر منـي خــايف لا نـبليـه
آرّيـم اللّــي نـقول عنـو هبلــــنـي
متربي في حوش عز على قانيـه
يـا عـشقـي يــهديـك لله جــاوبنـي
و آعـطيني عـاهد منـك مـستنيـه
مهـما طال الحال ما نبدّل ضـني
ويلا جات الموت قبري نا زوريه
لـعـلا ذا الأجـــل منــك ريّـحـنـي
وســرّك في قلـبي معايا نـا نـدّيــه

بقلمي medcherif03