منتديات جبالة Montadayat Jbala
عزيزي الزائر / عزيزتي الزائرة يرجي التكرم بتسجبل الدخول اذا كنت عضوا معنا
او التسجيل ان لم تكن عضوا وترغب في الانضمام الي اسرة المنتدي
سنتشرف بتسجيلك
شكرا
ادارة المنتدي

عطيتك عاهد... *بقلمي*

استعرض الموضوع السابق استعرض الموضوع التالي اذهب الى الأسفل

عطيتك عاهد... *بقلمي*

مُساهمة من طرف medcherif03 في الجمعة أبريل 29, 2016 11:25 am

عطيتك عاهد في المحبة مانخدع****سقسي قلبي راه شاهدع القول

لكلام الحساد حالف ما نسمع****غاهني خاطرك هاذ الشي معقول

قولت لها لو كان تخطيني انضبع****نخرج عن عقلي ونسمى مهبول

من غيرك حنونتي والله ما نقنع****و لا تملي عيني شهلالت  لعقول

يا ودادة في غرامك ما نشبع****ولا يشبع من كان يسبن ف المعسول

ما نسمح لو جيت في فم المدفع****نموت عليك ولا نبقى ديمة مذلول

قالت لي محبوبتي وعينيها تدمع****بعيد الشر عليك يا سيد  لفحول

أنا ديمة معاك و حلفت ماترجع****لو داروعني العسة بعساكرو فلول

يا عمري محلاك بكلام امرصع****و كبرتي في عيني وزدتيني قبول

اغصبنا الحال ضيق و افرقنا فيسع****هي راحت هانية وانا جبت اخبول

و انسى روحو قلبي معاها متربع**** جيت انحنن كي الناقة ع المخلول

ضاق الحال وطال بيا ذ المرتع****و عقلي شايش غيرانقاطع للمرحول

ضياق الخاطر يا ختي ما يسوسع****بين ليلة ونهار جا وادي محمول

هاج عليا شوقها جاني متقلع****من وحشك مقواه كيفاش المعمول

ديري سبة غ من نشوفتك نقنع****و ذالي مدة عليك حتى دار الحول

عياني ذ القلب من شين الطبع****ما يدي عبرة دايم كي البهلول

انتبع في رايو عاصي ما يشبع****مهملني في ودها صاعب مجهول

داروها في حوش ع الزورة تمنع****لا طلة لا اخبار ايجوها بسهول

يا قلبي خلاص من هاذي ودع****افرقنا زينة اضحكة سلابة لعقول

دخلو ما بيناتنا ذ القوم البدع****و حكمو لي بالموت و أنايا مشلول

شوفو ذ الحرمان فيا مايصنع****مقواه اللي ضاع حبو مايبقى مذهول

فتنتني فالصلاة منها ما نخشع****و ملازمني خيالها على عيني منقول

يا ربي برد فراقها حامي يوجع****و طفي ذ المشعال من قلبي ايزول

خبر الفرقة ايجي واعر يفجع****و يصهد بالحمى ما عندي ما نقول

تمت بقلمي medcherif03

 

تفسير الكلمات
و افرقنا فيسع- و افرقنا بالزربة
مقواه-لا لوم عليه


medcherif03
عضو نشيط
عضو نشيط

الجنس : ذكر عدد المساهمات : 43
درجة التقدير : 0
تاريخ الميلاد : 30/09/1964
تاريخ التسجيل : 18/04/2016
العمر : 52

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى