منتديات جبالة Montadayat Jbala
عزيزي الزائر / عزيزتي الزائرة يرجي التكرم بتسجبل الدخول اذا كنت عضوا معنا
او التسجيل ان لم تكن عضوا وترغب في الانضمام الي اسرة المنتدي
سنتشرف بتسجيلك
شكرا
ادارة المنتدي

مانعرفش صغير *بقلمي*

استعرض الموضوع السابق استعرض الموضوع التالي اذهب الى الأسفل

مانعرفش صغير *بقلمي*

مُساهمة من طرف medcherif03 في الخميس أبريل 21, 2016 11:07 pm

[size=32]مانعرفش صغير ماموالف بلخطرة//****\\مانقدرش انبات بعيد خاطالدار
لاحتنا ليام و مكتوب القدرة//****\\و اتمرمدت اصغير في شاو الأعمار

و في عيني حلات مطبوع الخزرة//****\\نعت الريم اللي عايش فالنوار
دخلت قلبي ذيك اطفلة تمرة//****\\مطبوعة لقداد في سن الأزهار

حتان جات ذيك الساعة المرة//****\\حدتني عن ريمتي ضي الابصار
وحالت بيناتنا السبة في الهجرة//****\\و طالت ليام على اقرينة لنظار

اتوحشت و هاض جرحي ياسمرة//****\\يا مطول ليل الشتا ماني صبار
قلبي شايش ليك ماصاب الطيرة//****\\ضاقت عني ادنيتي اعقاب انهار

اسوادة عني العشوة ياحصرا//****\\ و كشفني دمعي قدام الحضار
انحس ابقلبي غيوان على جمرة//****\\ع الكبدة مشعال كاوني باجمار

فطت روحي ضيقت عني عصرة//****\\و نحس ابقلبي مبروم في زيار
نصركب لولاب انقاطع في الجرة//****\\لخيال اللي نشوفو يطمعني باخبار

هاضولي لمحان واتفكرت العشرة//****\\و انحنن بالبكا على عارم لوكار
لو تدري من بعادك واش اصرى//****\\سماطت لي كل طيبة ولات امرار

ما نعرفش النوم يا العارم مرة//****\\نبات انسامر فيك يا نجمة لفجار
انتبع في الكاتبة يا بنت الحرة//****\\واصبرنا للقيوم امسطر ذي لقدار

مكني ذا الضر فيا راه اسرى//****\\واتحضن لي قلبي زايدني لضرار
يا ضيمي اطوال غيابي ذالمرة//****\\احليلي مفطوم و شعلت فيا نار

ذكرو لي حكيم شاطر في الخزرة//****\\يقرا في لفنجال ماهرفي لسرار
في لحظة فسر ما بيا وادرى//****\\عاود في الخزرة وميزني واحتار

يا ولدي واش بيك هذا نا نقرا//****\\ذا فنجالك راه واعر في اتفسار
حالك راه اصعيب واسبابك زهرة****اتهاذي بسماها و امتعني لوعار

خوذ رايي خف دير لها دورة//****\\مغبونة راها تستنى فيك اشطار
هاهو ذ الفنجال اعطاني بشرة//****\\مسكينة راها اتعاني في لعسار

عندك يا شواف لاتزيد الهدرة//****\\و اتسقدني كي اللي راني نعار
ماضنيت افراق ذ العارم نبرا//****\\وعلى ترياق الحب فحضنك دوار

لا تقطع مكتوب منها ذ السمرة//****\\و البنة تملاح في قمحة لقمار
نعيا راجع ليك و انديرو سهرة//****\\تحت انجوم الليل في ضي القمر

واغصب يا طيري دير فيا جبرة//****\\بشرها برجوع دمعي على لشفار
شاهي في ملقاك انصيبك برة//****\\من شوفك يا غايتي تصحى لبصار

انتي زهو البال ياريم الصحرا//****\\و تتفاجى لحوال واربيعي يزهار
ماضنيت نحيد عنك يا شهرة//****\\ولا انخلي قلبي ايطير مع لطيار


تمت بقلمي medcherif03
[/size]










medcherif03
عضو نشيط
عضو نشيط

الجنس : ذكر عدد المساهمات : 43
درجة التقدير : 0
تاريخ الميلاد : 30/09/1964
تاريخ التسجيل : 18/04/2016
العمر : 52

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى