يا خويا شد و متن في الرب -بقلمي-
صفحة 1 من اصل 1
يا خويا شد و متن في الرب -بقلمي-
يا خويا شد و متن في الرب*****متين العروة لا شريك معاه
سيدي ربي فالق النوى والحب*****أقرا فالتنزيل تعرف مامعناه
بيدو رزقك لاتحير ولاتغصب*****اتمعن في الجاية تلقى مرضاه
عندك يا مغرور اتجي متكركب*****ويغرك فلان ويقول عندي جاه
الماليك الا عطاك خيرو يعجب*****لاتتعجب لاتتفاجأ في معطاه
ويلا حن عليك من جحشة تحلب*****ويلا عكست لا تسال علاه؟
يفنى معطى العبد ماتعيا تطلب*****ولا تتوسل ليه غير ماكان لاه
تشقى تجري غير أعيا وتعب*****ويلا كان نسيت هو ما ينساه
اتماهل يا صاحبي ديمة جرب*****ولا تغصبشي كون صابر لقضاه
تدي غير الكاتبة ما تعيا تحسب*****و اقنع بالمكتوب لا غيرو سواه
ساعة تضحك يا الخوساعة تلعب*****ولا من نال في حياتوكل مايتمناه
حاول ترضي خالقك ذاك المطلب*****اعرف حق نعايموو اسعى مرضاه
لا تظلم خلايقو و عنهم تجهلب*****اشكر اجميلو و كون حامد نعماه
ما تلقى سلاك منو لا مهرب*****أخلق كل الكون من أجلك سواه
سبحان الاله في صنعو عجب*****عالم كل الخافية حاجة ماتخفاه
فنن في الصنعات...دار اغرايب*****وما اللي قلبو مغلف واش عماه
ويحك يا مخلوق أجلك راه اقرب*****دير الخير امداومة غدوة تلقاه
واخلص للمعبود ما منو مهرب*****خوفك منو يا فلان كأنك تراه
أحرص داوم على صلاتك مترتب*****حسن الخلق مع الخلايق يامبهاه
نختم قولي بالصافي من العرب*****سيد العربي من قريش اصطفاه
خيار الخلق في بنو هاشم شب*****أب رقية ذاك قليبي راح معاه
من شوقو يا الخاوة تايه وانلولب*****لامن شور شورو قلت انا نصفاه
سخر لي ياخالقي من كان اسبب*****في رمشات من العين نكون حذاه
هون ياك عنك حاجة ما تصعب*****اقبل طلبي في طيبة النبي نلقاه
عبدك الضعيف في المولى يطلب*****سهل في الزورة ولا تخيب ارجاه
لا تحرمني يا قادري في ذالمطلب*****لاتحرم مومن من شوفتها وعلاه؟
تمت بقلمي يوم 07-03-2016
medcherif03
medcherif03- عضو نشيط
- الجنس : عدد المساهمات : 45
درجة التقدير : 0
تاريخ الميلاد : 30/09/1964
تاريخ التسجيل : 18/04/2016
العمر : 59
مواضيع مماثلة
» يــــــــــــــاسمرة...*بقلمي*
» يا مضنوني... =بقلمي=
» يا عجابة!... *بقلمي*
» شوف الدنيا ... -بقلمي-
» عثمانية... *بقلمي*
» يا مضنوني... =بقلمي=
» يا عجابة!... *بقلمي*
» شوف الدنيا ... -بقلمي-
» عثمانية... *بقلمي*
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى