يا وناست خاطري *بقلمي*
2 مشترك
صفحة 1 من اصل 1
يا وناست خاطري *بقلمي*
يا وناست خاطري خافي مولاك.....رشقتي قلبي بهجرك مقواني
نوكل ربي خالقي هو يتولاك.....صعبتي عني لمعيشة بلعاني
في قلبي درتي مارة لسماك.....وشمتي حرفوفي داخلو و نساني
يا ما عدينا ليالي انا واياك.....تحت نجوم الضاوية وقمر نوراني
وين عاهد لمحبة يا مقساك.....ما فيك الضنة و اتبدلتي ثاني
يا قلبي عييتني بالباطل شكاك.....ويلا ماكش عازها غير أهداني
ماكاين وردة من غير اشواك.....واصبر للدقات سايس بركاني
اركوب المهرات واعر آش اداك.....حاذر روحك في الوطى ياجاني
لكلام الحساد لا تسمع بلاك.....لا تامن احديثهم فسر لمعاني
اقهرني عفريتها ماصبت اسلاك.....زيرني عنتير وحشك بكاني
ماجاني بشر و ننصب لو لشراك.....ما جاني بالسيف و علم الجاني
ماعندي حكمة و نرصد لو هتاك.....ماعندي حكيم في علم الروحاني
مايرضى بالمال لا قيمة تسواك.....عاراني برهوش مايقدر سلطاني
غرامك واعر يا ختي ما نتحداك.....دهشني حبك ذو سنين و جراني
اخطفتي عقلي يا مقدودة لسباك.....لاتلومي مخطوف مثلي و يعاني
العاشق مغبون ديمة في لهلاك.....و المعشوق ايغر زينو و اسباني
أحليل الممحون مبلي لا فكاك.....امزيلف بالنار تقدي دخلاني
احلفتي قداه من مرة بركاك.....لا كلمة منك لا راسل جاني
ياعياية صارحيني واش نواك.....ياك مادرناش العيب ياتشطاني
ماعندك حنونتي سبة لجفاك.....لا تشفي فيا لحسود و عدياني
مانزهد في غرامك ماننساك.....ولو حطوني في وسط اكفاني
تتعانق لرواح و تزهى بلقاك.....تتباشر بشواير الحب الفاني
تمت بقلمي يوم 24-02-2005
medcherif03- عضو نشيط
- الجنس : عدد المساهمات : 45
درجة التقدير : 0
تاريخ الميلاد : 30/09/1964
تاريخ التسجيل : 18/04/2016
العمر : 59
رد: يا وناست خاطري *بقلمي*
مرحا بك وبمساهماتك في هذا المنتدى
جبلي- عضو أساسي بالمنتدى
- الجنس : عدد المساهمات : 278
درجة التقدير : 0
تاريخ الميلاد : 31/12/1966
تاريخ التسجيل : 12/03/2011
العمر : 57
رد: يا وناست خاطري *بقلمي*
السلام عليكم
ألف شكر على مرورك قد أسعدني و زادني ثقة في النفس
أدام الله عليك الصحة و العافية
و شكرا
medcherif03- عضو نشيط
- الجنس : عدد المساهمات : 45
درجة التقدير : 0
تاريخ الميلاد : 30/09/1964
تاريخ التسجيل : 18/04/2016
العمر : 59
مواضيع مماثلة
» يــــــــــــــاسمرة...*بقلمي*
» شوف الدنيا ... -بقلمي-
» عثمانية... *بقلمي*
» يا مريم... /بقلمي\
» يا مضنوني... =بقلمي=
» شوف الدنيا ... -بقلمي-
» عثمانية... *بقلمي*
» يا مريم... /بقلمي\
» يا مضنوني... =بقلمي=
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى