شُوفَة فَ بْلاَدِي
2 مشترك
صفحة 1 من اصل 1
شُوفَة فَ بْلاَدِي
شُوفَة فَ بْلاَدِي
***************************
شفْت ليَّام غادْية وتخْيَابْ
فَ بْلادي والنَّاس مشّغُولة
لَكْثير منَّا يعْزو لَسْباب
لَ لْحرِّية اللِّي منْقُولَة
ياكْ احْنا شرَّعْنا لْباب
من بعد ماكانت مقفولة
شوفو فين وصلو الشباب
بْ تقليدهومْ حاجاتْ مجهولة
اللِّي فْ راسُو دايَر عُجَابْ
حْسَانة معْيافة منْخُولة
دْماغُو مَليَان بْ لهْبابْ
معْرِفتُو صارَتْ مقْتُولَة
ماتَلْقاه يقْرا فَ كْتَاب
يْهزّْ منُّو فايْدة معْقُولَة
غِي الشَّمَّان هُوَّ وْلصْحَابْ
وْشِي بْنيَّاتْ حَالْتُوم مَحْلُولة
لا حْيَا يكْسابُوهْ لا صْوابْ
تَا لْ أَعْرافْ عَنْدُوم مَرْكُولَة
حتَّى بعْضْ اللاَّبْسَات حْجَابْ
خْصايَلْهُوم ما ضْحَات مَغفُولَة
منْ فُوق دَايْرينْ النِّقَابْ
وْمنْ تحْت الصَّورَة مكْمُولَة
شفْت ليَّام غادْية وتخْيَابْ
فَ بْلادي والنَّاس مشّغُولة
شُفْت لَخْلاق بْداتْ تْغِيبْ
غالَب الناسْ منَّها عْرايَا
كِيفْ الشَّبَاب كِيفْ الشِّيب
مابْقا فيهُوم والُو صْغَايَة
اللِّي تْنَصْحو بْنية حْبيبْ
يطْلَع لِيكْ حْنيشْ بُ مْرايَة
يْحَبْ يعضَّك لَوْ يْصِيبْ
ايْلاَ مَا هْربْتِي منُّو انْتَايَا
وَيْلا حَاولْتي تْكُون طْبِيب
راكْ تْقلَّب عَلّْ إِذَايَة
شْحَالْ فكَّرتْ نَهْجَرْ ونْغِيبْ
وعْلى بْلاَدِي نقْطَع لْغَايا
اللِّي مَكْتابَة فْ علْم لْغِيبْ
مَاقَاطَاعْشِي منّْها رْجَايَا
شفْت ليَّام غادْية وتخْيَابْ
فَ بْلادي والنَّاس مشّغُولة
***************************
المريني ادريس
القصر الكبير بتاريخ : 21 / 12 / 2014
***************************
شفْت ليَّام غادْية وتخْيَابْ
فَ بْلادي والنَّاس مشّغُولة
لَكْثير منَّا يعْزو لَسْباب
لَ لْحرِّية اللِّي منْقُولَة
ياكْ احْنا شرَّعْنا لْباب
من بعد ماكانت مقفولة
شوفو فين وصلو الشباب
بْ تقليدهومْ حاجاتْ مجهولة
اللِّي فْ راسُو دايَر عُجَابْ
حْسَانة معْيافة منْخُولة
دْماغُو مَليَان بْ لهْبابْ
معْرِفتُو صارَتْ مقْتُولَة
ماتَلْقاه يقْرا فَ كْتَاب
يْهزّْ منُّو فايْدة معْقُولَة
غِي الشَّمَّان هُوَّ وْلصْحَابْ
وْشِي بْنيَّاتْ حَالْتُوم مَحْلُولة
لا حْيَا يكْسابُوهْ لا صْوابْ
تَا لْ أَعْرافْ عَنْدُوم مَرْكُولَة
حتَّى بعْضْ اللاَّبْسَات حْجَابْ
خْصايَلْهُوم ما ضْحَات مَغفُولَة
منْ فُوق دَايْرينْ النِّقَابْ
وْمنْ تحْت الصَّورَة مكْمُولَة
شفْت ليَّام غادْية وتخْيَابْ
فَ بْلادي والنَّاس مشّغُولة
شُفْت لَخْلاق بْداتْ تْغِيبْ
غالَب الناسْ منَّها عْرايَا
كِيفْ الشَّبَاب كِيفْ الشِّيب
مابْقا فيهُوم والُو صْغَايَة
اللِّي تْنَصْحو بْنية حْبيبْ
يطْلَع لِيكْ حْنيشْ بُ مْرايَة
يْحَبْ يعضَّك لَوْ يْصِيبْ
ايْلاَ مَا هْربْتِي منُّو انْتَايَا
وَيْلا حَاولْتي تْكُون طْبِيب
راكْ تْقلَّب عَلّْ إِذَايَة
شْحَالْ فكَّرتْ نَهْجَرْ ونْغِيبْ
وعْلى بْلاَدِي نقْطَع لْغَايا
اللِّي مَكْتابَة فْ علْم لْغِيبْ
مَاقَاطَاعْشِي منّْها رْجَايَا
شفْت ليَّام غادْية وتخْيَابْ
فَ بْلادي والنَّاس مشّغُولة
***************************
المريني ادريس
القصر الكبير بتاريخ : 21 / 12 / 2014
hensali- عضو مؤسس للمنتدى
- الجنس : عدد المساهمات : 271
درجة التقدير : 3
تاريخ الميلاد : 10/11/1951
تاريخ التسجيل : 27/08/2009
العمر : 72
رد: شُوفَة فَ بْلاَدِي
يعطيك ألف صحة و صحة على الكلمات الرائعة و المعبرة بارك الله فيك
واصل و لا تفاصل
medcherif03- عضو نشيط
- الجنس : عدد المساهمات : 45
درجة التقدير : 0
تاريخ الميلاد : 30/09/1964
تاريخ التسجيل : 18/04/2016
العمر : 59
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى