منتديات جبالة Montadayat Jbala
عزيزي الزائر / عزيزتي الزائرة يرجي التكرم بتسجبل الدخول اذا كنت عضوا معنا
او التسجيل ان لم تكن عضوا وترغب في الانضمام الي اسرة المنتدي
سنتشرف بتسجيلك
شكرا
ادارة المنتدي

شُوفَة فَ بْلاَدِي

استعرض الموضوع السابق استعرض الموضوع التالي اذهب الى الأسفل

شُوفَة فَ بْلاَدِي

مُساهمة من طرف hensali في الإثنين ديسمبر 21, 2015 6:12 pm

شُوفَة فَ بْلاَدِي
***************************
شفْت ليَّام غادْية وتخْيَابْ

فَ بْلادي والنَّاس مشّغُولة
لَكْثير منَّا يعْزو لَسْباب
لَ لْحرِّية اللِّي منْقُولَة
ياكْ احْنا شرَّعْنا لْباب
من بعد ماكانت مقفولة
شوفو فين وصلو الشباب
بْ تقليدهومْ حاجاتْ مجهولة
اللِّي فْ راسُو دايَر عُجَابْ
حْسَانة معْيافة منْخُولة
دْماغُو مَليَان بْ لهْبابْ
معْرِفتُو صارَتْ مقْتُولَة
ماتَلْقاه يقْرا فَ كْتَاب
يْهزّْ منُّو فايْدة معْقُولَة
غِي الشَّمَّان هُوَّ وْلصْحَابْ
وْشِي بْنيَّاتْ حَالْتُوم مَحْلُولة
لا حْيَا يكْسابُوهْ لا صْوابْ
تَا لْ أَعْرافْ عَنْدُوم مَرْكُولَة
حتَّى بعْضْ اللاَّبْسَات حْجَابْ
خْصايَلْهُوم ما ضْحَات مَغفُولَة
منْ فُوق دَايْرينْ النِّقَابْ
وْمنْ تحْت الصَّورَة مكْمُولَة
شفْت ليَّام غادْية وتخْيَابْ
فَ بْلادي والنَّاس مشّغُولة
شُفْت لَخْلاق بْداتْ تْغِيبْ
غالَب الناسْ منَّها عْرايَا
كِيفْ الشَّبَاب كِيفْ الشِّيب
مابْقا فيهُوم والُو صْغَايَة
اللِّي تْنَصْحو بْنية حْبيبْ
يطْلَع لِيكْ حْنيشْ بُ مْرايَة
يْحَبْ يعضَّك لَوْ يْصِيبْ
ايْلاَ مَا هْربْتِي منُّو انْتَايَا
وَيْلا حَاولْتي تْكُون طْبِيب
راكْ تْقلَّب عَلّْ إِذَايَة
شْحَالْ فكَّرتْ نَهْجَرْ ونْغِيبْ
وعْلى بْلاَدِي نقْطَع لْغَايا
اللِّي مَكْتابَة فْ علْم لْغِيبْ
مَاقَاطَاعْشِي منّْها رْجَايَا
شفْت ليَّام غادْية وتخْيَابْ
فَ بْلادي والنَّاس مشّغُولة
***************************
المريني ادريس
القصر الكبير بتاريخ : 21 / 12 / 2014

hensali
عضو مؤسس للمنتدى
عضو مؤسس للمنتدى

الجنس : ذكر عدد المساهمات : 271
درجة التقدير : 3
تاريخ الميلاد : 10/11/1951
تاريخ التسجيل : 27/08/2009
العمر : 65

الرجوع الى أعلى الصفحة اذهب الى الأسفل

رد: شُوفَة فَ بْلاَدِي

مُساهمة من طرف medcherif03 في الإثنين أبريل 18, 2016 1:16 pm

يعطيك ألف صحة و صحة على الكلمات الرائعة و المعبرة بارك الله فيك
واصل و لا تفاصل

medcherif03
عضو نشيط
عضو نشيط

الجنس : ذكر عدد المساهمات : 43
درجة التقدير : 0
تاريخ الميلاد : 30/09/1964
تاريخ التسجيل : 18/04/2016
العمر : 52

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى