منتديات جبالة Montadayat Jbala
عزيزي الزائر / عزيزتي الزائرة يرجي التكرم بتسجبل الدخول اذا كنت عضوا معنا
او التسجيل ان لم تكن عضوا وترغب في الانضمام الي اسرة المنتدي
سنتشرف بتسجيلك
شكرا
ادارة المنتدي

نكت المكلخين

اذهب الى الأسفل

نكت المكلخين

مُساهمة من طرف درميكي في الجمعة أبريل 26, 2013 3:55 pm

هادو واحد الرباعة طالعين فطاكسي وما معاهم حتى ريال، اتفقوا يهربوا بالزربة مني يوقف الطاكسي.

فعلا، ملي وقفات الطوموبيل، حلوا البيبان دغية وبدوا يجريو ورجليهم تضرب ضهورهم.

دخلو لواحد العمارة، وطلعوا أول إطاج، تاني إطاج، تالت إطاج، حتى وصلوا للسطاح.

تخباو فالضلام وبقاو شي نص ساعة لا حس لا نفس.

شوية واحد فيهم نغز اللي حداه وقال ليه: ما عرفتش أشنو طرا بالشيفور!

قال ليه لاخور: راني أنا الشيفور، ها العار قولوا لي أشنو واقع.

هادا واحد خينا مكلخ كان غادي ف السوق مع مرتو
شوية تودرات عليه مرتو وبدى كيقلب عليها
مشى كيدور ف السوق وكيسول الناس: ما بانتش ليكم واحد المرا أنا ما غاديش معاها؟

واحد مكلخ جالس مركز وكيفكر
سولوه : مالك ؟
قال ليهم : ما بغاتش تفهم ليا واحد القضية ... كيفاش دابا ختي عندها جوج خوت دراري وأنا عندي غير واحد خويا ؟

هادو رباعة ديال المكلخين عندهم حفرة فالحومة، ناضوا تجمعو باش يلقاو شي حل
قال ليهم واحد: نديروا شي فرملي ف الحفرة، باش اللي طاح فيها يداويه ف البلاصة
قال ليهم واحد اخر: لا نجيبو لابيلانص حدا الحفرة، باش اللي طاح نديوه فيساع للسبيطار
هدر واحد اخر: نريبوا داك السبيطار، ونبنيو واحد اخر
ناض واحد قال ليهم: وا لا! خاصنا نسدو هاديك الحفرة...
ونحفروا وحدة أخرى قدام السبيطار

واحد المكلخ كان غادي ولقى 4000 ريال وهو يبدا كيفكر
غادي نعطي 1000 للوالد كايتسالها ليا
و1000 للوالدة كاتسالها ليا
و 2000 اللي كايسالني مول الحانوت
وهو يقول اش غادي يبقى ليا !!!
و الله لا هزيتها

هادا جوج كانوا غادين ف الطريق
واحد قال لصاحبو: شوف شوف، طير ميت
ناض لاخور هز راسو للسما وقال ليه: فين؟ فين؟


هادا واحد مكلخ مشى يخطب
جات البنت حطات ليه كاس ديال أتاي ليبتون

هادا واحد خينا مشى عند الطبيب وقال ليه: كلشي كيضرني. إيدي، رجلي، كرشي، صدري.... اللي حطت عليها صبعي كضرني
دوز ليه الطبيب وما لقى عندو والو. وهو يقول ليه: أرى كاع داك الصبع نشوفو.
وهو يلقاه مهرس ليه صبعو


واحد مكلخ قال لصاحبو: البارح ما نعستش مزيان ف التران
قال ليه صاحبو: وعلاش؟
قال ليه المكلخ: لحقاش كنت ناعس ف البلاصة الفوقانية
قال ليه صاحبو: وعلاش ما تبادلتيش مع مول البلاصة التحتانية؟
قال ليه المكلخ: حيت كانت خاوية وماكانش فيها حتى واحد باش نتبادل معاه


واحد مكلخ موصلينو دارهم للمطار. الطريق كامل وهو كيقول: كون غير جبت التلفزة... كون غير جبت التلفزة
مللي وصلوا المطار، دارهم طلع ليهم الدم وقالوا ليه: فرعتي لينا راسنا، علاش زعما تجيب التلفزة؟
قال ليهم: حيت خليت الباسبور فوق منها

جوج مشاو للمحطة د التران ولقاوه بدا كيتحرك. واحد لحقو نقز
فيه وركب، ولاخور ميت بالضحك ما ركبش. مللي سولوه مالك؟ قال ليهم: هاداك
المكلخ راه غير جا يوصلني


مكلخ خطف مكلخة ودارها ف الطوموبيل. البنت بدات كتغوت
قال ليها المكلخ: غادي تسكتي أولا غادي تنزلي
قالت ليه: لا صافي هاني سكت




درميكي
مواطن المنتدى
مواطن المنتدى

الجنس : ذكر عدد المساهمات : 323
درجة التقدير : 2
تاريخ الميلاد : 19/08/1967
تاريخ التسجيل : 19/04/2013
العمر : 50

http://marrak2006@yahoo.fr

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى