منتديات جبالة Montadayat Jbala
التعريف بقبيلة الفحص / أهازيج شعبية 4 613623
عزيزي الزائر / عزيزتي الزائرة يرجي التكرم بتسجبل الدخول اذا كنت عضوا معنا
او التسجيل ان لم تكن عضوا وترغب في الانضمام الي اسرة المنتدي
سنتشرف بتسجيلك
شكرا التعريف بقبيلة الفحص / أهازيج شعبية 4 829894
ادارة المنتدي التعريف بقبيلة الفحص / أهازيج شعبية 4 103798

التعريف بقبيلة الفحص / أهازيج شعبية 4

اذهب الى الأسفل

التعريف بقبيلة الفحص / أهازيج شعبية 4 Empty التعريف بقبيلة الفحص / أهازيج شعبية 4

مُساهمة من طرف العتيق في الإثنين مارس 26, 2012 1:35 pm

لقد سبق أن أشرت 3 مرات الى هذه الأهازيج بتواريخها والآن أكتفي بالترقيم
- لقام ياللقاما* لقام وانا نفرق
واحد الحبيب كان عندي * بين لجبال كيخرق

- ياالما ف قاع القدرا * ياالما ف لاقاع القدرا
اديوني معاكم يالزيار * وانا ما يلي قدرا

- البحر مللى ومللى * ملحو ودار يهرب
اللي ما اكواتو الغربا * يطول الزمان ويجرب

مول الغليف وردي * وبين الزهر كيشالي
خرجوا ابنات الحوما ** كلها تقول ديالي

تكيفوا أيالولاد * والسبسي د النقرا
نمشي معاكم يالزيار * وانا ما لي قدرا

الفحص كلو نوار * حتى ن دار زهيرو
مول الضرافا سلطان * اومول الزين وزيرو

طاح الندى طاح الندى * طاح الندى على البقلا
مجماعكم يالبنات * غي المشموم ف النوقلا

غزالي يالسرديا* ياوجه الحريا
مع الناس كتزهى * وانا كتيه عليا

السحابا طالعا طالعا * طالعا وهي تخرق
الحبيب مولاي عبسلام * شوربا منو تحمق

ياوريقات الدروا * ياوريقات الدروا
اقرانك يالعيلا * يالعوينات د الجروا

ياعويد الدمار* ياعويد الدمار
اقرانك العيلا * كيف الجرو ف سمار

رايح الشمس ورايح * رايح على بوبانا
خاللي الضريف يتعزرى * وارزقو على مولانا

ياحبيبات الشقليا* ياحبيبات الشقليا
اشقلقك يالعيلا * والشمس باقا عاليا

أيا ازهار الليما * ايا ازهار الليما
واللي ضريف الحالا * رانت عدابو ديما

يازربي على زربك * واديالي د العليق
الزين بلا اطبيعا* راه ما فيه ما يليق

يالمرشا د النقرا * رشوا بها الطلبا
اعطيونا الساعا ديانا * ما ي لا قاتنا القدرا

داك المحج د السلطان * يا المدكوك بالحافر
أنا معاك باللتي * وانت قلبك كافر

للا بلادي للا * يالمكابلا سوماتا
الضرافا د الطلبا * والسير د الحراتا

اضليول الريحانا * اضليول الريحانا
ما كنت شي نعرفكم * غير الله لا قانا

ياجبيل بوهاشم * هواد كلو سواقي
واللي يحلف يحلف صادق * را العهد ماهو باقي

داك الزهر المحدق * كيتباع بالكيلو
رجلي نهزوم عليك * والقلب اشنونقيلو

يازين العود محروق * يازين العود محروق
ما حرا واصعيبا يالحباب * مين كيتفرقوا لطروق

ياللي عاديتيني ياللي عاديتيني * وشي ورت بيني وبينك
الى اقواوا الحساد * سلم علي ابعينك

للا اختي وافهمني * اش دا الخوى د الريح
خوفي نستر عليك * تخوي بيا وانطيح

اسمع يامحبوبي * واش كيقولوا فينا
كيكتروا ف اعيوبي * ويعوجوك عليا




-

العتيق
فارس المنتدى
فارس المنتدى

الجنس : ذكر عدد المساهمات : 1488
درجة التقدير : 6
تاريخ الميلاد : 01/01/1951
تاريخ التسجيل : 17/04/2011
العمر : 68
الموقع : البريد أعلاه وكذا منتدى جبالة

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى